Stutt eftir middag í dag, gjørdu tveir dreingir í Smílikulluni av, at fara at fiska. Av tí at hósdagurin var farin afturum, var fiskiøkið á grótkastinum stongt, so avgerð mátti takast, hvar so mundi verða best at fara. Eitt frískligt lot av landsynningi gjørdi, at teir valdu báthylin. Tað var við góðum treysti, at teir fóru av húsum. Heilt nógvur ternumurtur var at síggja, tá teir komu út í báthylin, men hesir garparnir vóru ikki komnir langa vegin út í báthylin at fiska ternumurt, og blakaðu tí alt tað smáa, sum beit á, útí aftur. Eftir eina løtu, nippar størri fiskur á hjá øðrum, men tá eydnaðist ikki at fáa at bíta á. Spenningur var í luftini eina løtu, nú teir vistu, at stórur fiskur svam undir teimum, og tá alt kom til stykkis, var tað hin tráðan, sum at enda hálaði toskin upp. Lagið var sum verða mann gott, tá leiðin var løgd heimaftur í Smílikulluna beint fyri millummála. Teir báðir, fiskimenninir, hildu fyri, at hesin mundi fara at verða góður á bálinum næsta hósdag. Í skrivandi stund, bíða teir báðir eftir at millummálin verður ruddaður av borðinum, so teir kunnu fara undir at flekja.

Sum øllum kunnugt, høvdu vit Harry Potter tema í síðstu viku. Seinastu vikurnar, hava børnini gjørt sær gandastavar, kappar, brillur, kustar og mangt annað, sum tey skuldu brúka. Hendan vikan byrjaði við, at tey fingu hattin á høvdið, sum segði teimum hvøjum skúlahúsi tey hoyrdu til: Hufflepuff ella Gryffindor. Síðani byrjaði gandavikan. Tey hava lært at fáa fjaðrar at flúgva, lesa kaffigrús, spáa um frammtíðina, og so hava tey kappast um at vinna húsasteypið. Vikan endaði við einum Quidditch dysti, har Huffelpuffarnir og Gryffendorarnir kappaðust um at finna kippuna.

Síðani grótkastið á sandinum bleiv gjørt, hava børnini funnið útav, at nógvur ternumurtur er at fáa heilt inni á sandinum. Hetta vóru gleðiboð hjá teimum, sum tíma at fiska, men eftir fáum vikum byrjaðu vit at síggja trupuleikar við óskipaðu fiskingini: Børnini vóru troytt av ikki at vita nær tey sluppu at fiska, tey vaksnu vóru ørkymlaði av nøgdini av fiski, sum fór til spillis

Stovnarnir í Vága Kommunu hava fingið nýggja heimasíðu.